درياءُ
پنجابي ڪھاڻي
تخليق: ناصر بلوچ
ترجمو: ننگرچنا
هُو راويءَ جي نئين
پُل هيٺان لنگهي رهيا هيا. ٻيڙيءَ ۾ هُنَ جي اڳيان مغل شھزادين جي مُھانڊن واري ڪامڻي
ويٺي هئي. ڏينھن هوري هوري پڄاڻيءَ ڏي وڌي رهيو هو. هُو چُڀڙڪ چُڀڙڪ ڪندي، ٻيڙيءَ
جو ونجهه هلائيندي، کيس جُوههَ وجهيون ڏسي رهيو هو. هُوءَ ميڻ جي مورت وانگر هُنَ
جي اکين ۾ رجندي وئي. سامھون جھانگير جي مقبري جا مُنارا ڏسڻ ۾ اچي رهيا هيا. ڏسندي
ئي ڏسندي کيس ڄڻ ته مورَ جا پَرَ لڳي ويا.