بندياڻي
پنجابي ڪھاڻي
ليکڪه: عذرا وقار
ترجمو؛ ننگر چنا
سردار بيگم کي سڀئي دارِي چوندا
هيا. هُوءَ پنھنجي ماءُ سان گڏ چوڌري حق نواز جي حويليءَ ۾ ڪم ڪرڻ ايندي هئي. چوڌريءَ
کي چار ٻار هيا. وڏو چوڏهن ورهين کَنَ جو هو. اُنَ کان پوءِ وري ٻه ڌيئون ۽ وري هڪ
پُٽ هيس. حق نواز جو اِهو ٻيو پَرڻو هو. پھرئين مائيءَ مان ڪو ٻار ٻچو نه ٿيس.
دارِي، ماءُ سان گڏ ڪم به ڪرائيندي هئي ته گڏوگڏ هنن جي ننڍڙي پُٽَ کي کيڏائيندي
به هئي. هُو ڪڏهن کيس گهوڙو بڻائيندو هو ته ڪڏهن وري ٻَئِي ٺَپي راند کيڏندا هيا.
چوڌريءَ جي جوءِ پنھنجن ٻارن جا ڪپڙا، جُوتا به کين ڏئي ڇڏيندي هئي.