ڪجھ گذري آ، ڪجھ گذري ويندي۔۔۔!
(ننڍڙي ڪھاڻي)
منظور
ڪوھيار
ڪکو خان! اڄڪلھ سنجيده ٿي ويو آھي۔ ان ڪري سوچيم ته سندس
سنجيدگيءَ مان لاڀ حاصل ڪجي۔ سو پڇيومانس: ”ڪکو خان! گذريل سال تي ڪا ٽيڪا ٽپڻي ته
ڪر!“
ڪجھ دير جي خاموشي کان پوءِ چيائين:
”ڪنهن جي تنور ۾ گذري، ڪنهن جي
سمور ۾ گذري۔ پر گذري وئي۔۔۔ڪن جي هوش ۾ ته ڪن جي بيهوشيءَ ۾ گذري، پر گذري وئي۔۔ڪن
جي خوابن ۾ ته ڪن جي بي خوابيءَ ۾ گذري، پر گذري وئي۔۔۔ڪن جي غافل ننڊ ۾، ته ڪن جي
سجاڳ ۾ گذري، پر گذري وئي۔۔۔ “
لڳو ته ڪکو خان گھڻو سنجيده ٿي ويو آھي ته پڇيومانس؛ ”هن
سال ڪيئن گذرندي، اهو به ته ٻڌاءِ؟“
”ھڪڙن جي خوشفهمين سان، ٻين جي
غلط فهمين سان ۽ ٽين جي تلخ حقيقتن سان منهن ڏيندي. باقين جي ´سنڌ سنئين خيال خام، جاڏنهن لڳين موچڙو، اوڏنهن ڪن سلام` تحت گذرندي۔“
”اڄ ته صفا بين القوامي دانشور ٿو
لڳين؟“
ڪکو خان وراڻيو: ”بين الاقوامي دانشور کي ڪي سڱ ٿيندا آھن ڇا؟“
No comments:
Post a Comment