اڻ سڌرِيل ڀاءُ
ننڍڙي ڪھاڻي
منظور
ڪوھيار
ڪکو خان اينڊرائڊ سيٽ جي اسڪرين ۾ جھوت وجھيون ويٺو هيو۔
پهريان زور زور سان کلندو رهيو، ۽ پوءِ روئڻ لڳو.
پڇيومانس؛ ”ڇا مسئلو آهي جو پهريان چرين وانگر کلئين پئي،
۽ هاڻي روئين پيو؟“
وراڻيائين؛ ”پنهنجي ننڍي ڀاءُ چکو خان جي سوشل ميڊيا تي
وائرل ويڊيو پئي ڏٺم!“
”ڇا هيو ويڊيو ۾؟“
”سياسي جلسي ۾ بريانيءَ جي پليٽ
کڻي، کيس والهانه انداز ۾ جھمر هڻندي ڏسي کل نه روڪي سگھيم!“
پڇيومانس؛ ”ڀلا! رنين ڇو؟“
”رنم ان ڪري ته هميشه وانگر
ذليل و خوار ٿيڻ کانپوءِ به ناهي سڌريو!“
(منظور ڪوھيار جي فيسبڪ پوسٽ تان ۱۸ جنوري ۲۰۲۴ع تي رکيل/ کنيل)
No comments:
Post a Comment