ڪهاڻي لڙهي ويئي!
ننڍڙي ڪهاڻي
انور ابڙو
”تون منهنجي اکين ۾
ائين ڇا ٿي ڏسين؟“
”ڪا ڪهاڻي.“
”ڪنهن جي؟“
”پنهنجي؟“
”ڇا هي لکيل
ان ۾؟“
”ان ۾ لکيل
آهي ته ڪا ڇوڪري آهي، جيڪا تو سان گڏ مون واري سيج تي ويٺي آهي؟“
”ڪير آهي
اها؟“
”تنهنجي
پنهنجي ڪا آهي.“
”۽ تون ڪٿي
آهين؟“
”مان اُٿي،
آهستي آهستي واپس وڃي رهي آهيان.“
”ڪيڏانهن؟“
”جيڏانهن هر هڪ
کي وڃڻو هوندو آهي.“
نديءَ جي ڳالهه تي
ساگر جي اکين ۾ ڳوڙهن جي هڪ وڏي ڇولي آئي، جنهن ۾ اها ڪهاڻي لڙهي ويئي!
(انور ابڙو، ۲۰ آگسٽ ۲۰۲۰ع تي فيسبڪ وال تان رکيل/کنيل)
No comments:
Post a Comment