ڏَسَ لاءِ اشتھار
(فليش فڪشن/مختصر ڪھاڻي)
مٺل جسڪاڻي
مون ڪجهه ’فليش فڪشن
/ مختصر ڪھاڻيون‘
لکيون. اھي ھڪ رسالي/ ميگزين ڏانھن ڏياري موڪليون. اتان ائين جو ائين ان ورنديءَ
سان موٽي آيون؛ ”اسان غير معياري ڪھاڻيون نه ڇاپيندا آھيون“.
ساڳيون، غير معياري
سڏيل، فليش فڪشن/ مختصر ڪھاڻيون، واري واري سان فيسبڪ تي پوسٽ ڪري ڇڏيون آھن.
فيسبڪ تي پڙھندڙن
طرفان، دل خوش ڪندڙ موٽ ملي آھي.
ھاڻ سوچيان پيو ۽
منجھي پيو آھيان ته؛ ’انھن فليش فڪشن/ مختصر ڪھاڻين کي ڇپجڻ لاءِ ڪيڏانھن موڪليان؟!‘
سوچي سوچي ھيءُ
اشتھار ڏجي ٿو؛
”ڪنھن کي ڪو غير
معياري فليش فڪشن/ مختصر ڪھاڻيون ڇاپيندڙ رسالو يا ميگزين سُجهي، ته سنگت ۾ ڏس ڏئي.“
No comments:
Post a Comment