Thursday, October 3, 2013

آزادي ۽ محبت - ولي رام ولڀ

آزادي ۽ محبت
مختصر کان مختصر ڪهاڻي
سنڌيڪار: ولي رام ولڀ
هڪ عورت گهري ننڊ ۾ ستي پئي هئي. سپنو ڏٺائين ته؛ سامهون زندگيءَ جي ديوي بيٺي هئي. سندس هڪ هٿ ۾ ”محبت“ هئي ته ٻئي ۾ ”آزادي“.
ديويءَ عورت کان پڇيو: ”چؤ، تو کي ٻنهي مان ڇا گهرجي؟“
عورت ڳوڙهي خيال ۾ پئجي وئي. نيٺ ڪافي سوچ کان پوءِ وراڻيائين: ”آزادي“
زندگيءَ جي ديويءَ مشڪي چيو؛ ”تنهنجي پسند مون کي به پسند آهي. جيڪڏهن تون ”محبت“ پسند ڪرين ها ته مان تو کي ”محبت“ ضرور ڏيان ها، پر تون مون کي ٻيهر نه ڏسين ها. پر هاڻي اهو ڏينهن ضرور ايندو جڏهن مان تو وٽ وري به اينديس. انهيءَ ڏينهن مان تو کي ٻئي شيون ”محبت ۽ آزادي“ ڏينديس.“
مون ان عورت کي ننڊ ۾ مشڪندي ڏٺو.

No comments:

Post a Comment