سائيڊ افيڪٽ
مختصر ڪهاڻي
خالد آزاد
ڪوسٽر ۾ چڙھندي ئي مون دريءَ
واري سيٽ هٿ ڪرڻ لاءِ هيڏانهن هوڏانهن ڏٺو؛ ٻنهي پاسي ٻه ٻه سيٽون هيون، جن تي اڪثر
ماڻهو ويٺل نظر آيا. مون بيگ ڪُلهي تان لاٿو ۽ چشمو وارن ۾ اٽڪائي ڇڏيو! پريان ٻه
سيٽون ڇڏي، ٽين سيٽ تي هڪ اڌڙوٽ عورت، ٻنهي سيٽن جي وچ تي ويٺي هئي، شايد اها هڪ
ئي جاءِ خالي وڃي بچي هئي سڄي ڪوسٽر ۾! آئون وڃي سندس ڀر ۾ بيٺس:
“ايڪسڪيوز مي....” شائستگيءَ
سان چيم.
“ييس”: هُن مون ڏانهن ڏسندي وراڻيو.
“ايڪچئلي آءِ نيڊ ونڊو”: چيم.
